Հայազգի հայտնի հայր ու որդի օրենքով գողերը Դոնբասում կարող են ստանալ գողական աշխարհի ղեկավարությունը
Օրենքով գող Սերգեյ Ասատուրյանը, ով հայտնի է Ասետրինա կրտսեր անունով, հոր՝ օրենքով գող Էդուարդ Ասատուրյանի հետ կարող է ստանալ Դոնբասում գողական աշխարհի ղեկավարությունը: Այս մասին հայտնում է Պրայմ Կրայմը:Գործակալությունը գրում է, որ Ասետրինա կրտսերը, ով զրկվել էր կոչումից, կարողացել է վերականգնել այն: Նրան այդ գործում օգնել է օրենքով գող Սուխաչը, ում հետ Սերգեյն ընկերություն է անում 2008 թվականից:
Ասատուրյանն օրենքով գողի կոչումը վերականգնել է Բալաշովա բանտում, որը համարվում է գլխավորը Հարավային Ռուսաստանում: Եթե Ասետրինա կրտսերը կարողանա պահպանել կոչումը, կունենան լավ շանս վերահսկողություն սահմանելու ամբողջ բանտում:
Բացի դրանից, մրցակցության բացակայության պայմաններում, հայր ու որդի Ասատուրյանները կարող են իրենց վերահսկողությունը սահմանել Սարատովի և Ռոստովի երկրամասերում, ինչպես նաև Դոնբասում:
Մայիսի 15-ին հայտնվել էր, որ Էդուարդ Ասատուրյանին մարտահրավեր է նետել Ադրբեջանի գլխավոր օրենքով գող Գուլին:
