Բա ե՞ս ինչ եմ ասում. վարչապետի ականջներն էլ, աչքերն էլ բաց են. Մնում է մենք դա տեսնենք.բանավեճ սոցցանցում
Եկեք անկեղծ լինենք. պատասխանատվություն վերցնելուց վախեցող ցանկացած իշխանության համար ամենահեշտ տարբերակը հանրաքվեն է։ Այս մասին ԱԺ տնտեսական հարցերի մշտական հանձնաժողովի նախագահ, «Իմ քայլը» խմբակցության պատգամավոր Բաբկեն Թունյանը գրել է ֆեյսբուքյան իր էջում՝ անդրադառնալով Ամուլսարի շահագործման հարցին։«Ես չեմ ուզում, որ իմ հարևան, անգրագետ Պողոսը՝ իր անգրագետ բազմամարդ ընտանիքով, ավելի մեծ դեր խաղա կոնկրետ էս հարցում որոշում կայացնելու գործում, քան ես»,- ասված է գրառման տեքստում։
Թունյանի գրառման տակ արձագանքել է ԱԺ փոխնախագահ, « Իմ քայլը» խմբակցության պատգամավոր Լենա Նազարյանը։
«Եթե հարկ համարեիր ուշադիր լսել այն մարդկանց, որոնք մատնանշում են խնդիրները, կնկատեիր, որ երեկ վարչապետն արդեն իսկ կայացրեց մի որոշում, որի մասին մարդիկ խոսում էին։ Լավ է, որ վարչապետի ականջները բաց են»,- մեկնաբանություններում գրել է Լենա Նազարյանը։
Բաբկեն Թունյան էլ պատասխանել է․ «Բա ե՞ս ինչ եմ ասում. վարչապետի ականջներն էլ, աչքերն էլ բաց են։ Մնում է մենք դա տեսնենք»։
Լենա Նազարյանը չի համաձայնել Բաբկեն Թունյանի հետ ու շարունակել․ «Իր երեկվա որոշումը քո ասածին հակասում է։ Գոնե դա նկատի գործընկերներիդ մասին սենց բաներ գրելուց առաջ»։
Թունյան էլ արձագանքել է․ «Լենա Նազարյան ջան, հենց կակռազ գործընկերայնության մասին եմ գրում»:
