Անզգայացման փուլում գտնվող 200-300 անչափահաս տղաների և աղջիկների նկատմամբ սեքսուալ բնույթի գործողություններ է կատարել
Ֆրանսիայի հարավ-արևմուտքում բնակվող բժիշկ-վիրաբույժ Ժոել Լե Սկուարնեկը կասկածվում է 250 երեխայի բռնաբարության մեջ: 30 տարուց ավել, սկսած 1990-ական թվականներից, նա կատարել է սեքսուալ բնույթի գործողություններ 200-300 անչափահաս տղաների և աղջիկների նկատմամբ: Այս մասին հայտնում է The Times-ը:66-ամյա բժիշկն իրեն մեղավոր չի ճանաչում, սակայն խոստովանել է, որ սեքսուալ բնույթի որոշակի արարքներ է կատարել երեխաների նկատմամբ: Նշվում է, որ Սկուարնեկը մեծամասամբ նմանատիպ գործողություններ կատարել է այն ժամանակ, երբ երեխաները գտնվել են անզգայացման փուլում:
2005 թվականին բժիշկը մեղադրվել է մանկական պոռնոգրաֆիա պահելու համար: 2017 թվականին ձերբակալվել է 4-ամյա և 6-ամյա աղջիկ երեխաների բռնաբարության մեղադրանքով: Դատը տեղի կունենա 2019 թվականի վերջին:
Նախաքննության ընթացքում իրավապահ մարմինների աշխատակիցները հայտնաբերել են բժշկի օրագիրը, որում նա նկարագրել է, թե ինչպես է երեխաների նկատմամբ սեքսուալ գործողություններ կատարել: Այնտեղ նշված է ավելի քան 250 երեխայի անուն: Վիրաբույժը բացատրել է, որ դա ընդամենն իր «ֆանտազիայի արդյունքն» է:
