Պոլիկլինիկաներում կգործի սպասարկման նոր, քաղաքակիրթ համակարգ
«Հայաստանի Հանրապետություն» օրաթերթը գրում է. «Առողջության պահպանման առաջնային օղակներում բոլոր երեւանաբնակները կկարողանան արդեն քաղաքակիրթ սպասարկվել՝ ձերբազատվելով հերթերում երկարատեւ սպասելու անհաճո երեւույթից: Երևանի քաղաքապետարանի ենթակայության պոլիկլինիկաներ դիմած պացիենտները կհերթագրվեն էլեկտրոնային եղանակով:Երեւանի քաղաքապետարանի առողջապահության վարչության պետ Կամսար Բաբինյանի տեղեկացմամբ, հերթագրումը կատարվում է տեղում և հեռախոսազանգի միջոցով: Հեռախոսազանգի միջոցով հերթագրման ժամանակ գրանցվում է պացիենտի անունը, ազգանունը, հայրանունը և սոցիալական կամ նույնականացման քարտի համարը: Պացիենտի համար կատարվում է գրանցում իրեն սպասարկող բժշկի մոտ և լրացվում է այցելության թերթիկ, որով կատարվում է հիվանդի ընդունելությունը»:
