Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

18 սեպ 2019 11:59

Դավիթ Տոնոյանը տեղյակ չէ՞ ոստիկանապետ Վալերի Օսիպյանի հնարավոր հրաժարականի մասին

Հայաստանի պաշտպանության նախարար Դավիթ Տոնոյանը տեղյակ չէ ոստիկանապետ Վալերի Օսիպյանի հնարավոր հրաժարականի մասին։
Այսօր՝ սեպտեմբերի 18-ին, ԱԺ-ում լրագրողների հետ զրույցում նա հերքեց տեղեկությունները, թե Անվտանգության խորհրդում որեւէ քննարկում է եղել ՀՀ ոստիկանապետի հրաժարականի հետ կապված. «Ես հերքում եմ որեւէ քննարկում Անվտանգության խորհրդում այդ թեմայով»:

Դավիթ Տոնոյանը հայտարարեց, որ իր եւ վարչապետի միջեւ որեւէ տարաձայնություն չկա. «Չեն կարող լինել տարաձայնություններ, շատ սինխրոնիզացված եւ որպես կառավարության անդամ աշխատանք է ծավալվում», - ընդգծեց Տոնոյանն ու հավելեց, որ իրեն հայտնի չէ Նիկոլ Փաշինյանի եւ Արթուր Վանեցյանի տարաձայնությունների մասին։
Հարցին, թե արդյոք ուժային մարմինների ղեկավարների հրաժարականները ազգային անվտանգության տեսանկյունից վտանգ չեն ներկայացնում, Դավիթ Տոնոյանը պատասխանեց. «Չեմ կարծում, համակարգ է գործում»:
Նշենք, որ Դավիթ Տոնոյանը խորհրդարան է ժամանել՝ մասնակցելու «Իմ քայլի» հետ փակ հանդիպմանը:
Հարցին, թե սպասվում են արդյո՞ք ՊՆ-ում բարձրաստիճան պաշտոնյաների պաշտոնանկություններ, նախարար Տոնոյանը բացասական պատասխան տվեց. «Ոչ»:
Տոնոյանը հայտնեց, որ դեռևս իրեն չեն հրավիրել ԱԺ-ում ստեղծված ապրիլյան պատերազմի հարցերով քննիչ հանձնաժողով:

Ինչ վերաբերում է խոսակցություններին, որ հանձնաժողովի աշխատանքների արդյունքում ՊՆ-ում կարող են պաշտոնանկություններ լինել, Տոնոյանը նշեց, որ դա միայն պարզ կլինի հանձնաժողովի աշխատանքների ավարտից հետո:
Նախարարն ասաց, որ որոշակիորեն հետևում է հանձնաժողովի աշխատանքներին և դեռևս տեղեկություններ են տրամադրում: Նա ասաց, որ հանձնաժողովի աշխատանքն արդյունավետ է. «Այն տեղեկությունները, որոնք ստացվում են, բավարար են լինելու եզրակացություններ անելու համար»:
Տոնոյանն ասաց, որ ցավոտ անակնկալներ չեն լինելու հանձնաժողովի աշխատանքի արդյունքում՝ չբացառելով, որ կարող են քրեական գործեր հարուցվել. «Այս փուլում այդ մասին խոսել հնարավոր չէ: Ամեն դեպքում հանձնաժողովի աշխատանքները դրա համար չեն, որ քրեական գործեր հարուցվեն»:

Տոնոյանը, վերադառնալով Արթուր Վանեցյանի թեմային, հայտարարեց, որ վերջինս իր ընկերն է, գործընկերը. «Մենք 1,5 տարի շատ սերտ համագործակցել ենք: Մեկնաբանություններ չեմ տա, բոլոր մեկնաբանությունները կթողնեմ նրան»:




Մեկնաբանություններ


Համընկնող լուրեր