Թուրքիան ՀՀ-ի սահմանակից նահանգներում աննախադեպ ընդգրկվածությամբ ռազմական գործողություններ է սկսել
Ռազմագետ, «Հայոց հզոր բանակ» ՀԿ հիմնադիր-նախագահ Կարեն Հովհաննիսյանը ֆեյսբուքյան իր էջում գրել է. «Թուրքիան սեպտեմբերի 26-ից Հայաստանի Հանրապետության սահմանակից Իգդիր և Կարս, ինչպես նաև Աղըր նահանգներում սկսել է ռազմական գործողություններ PKK-ի զինյալների դեմ: Գործողությունը կրում է «Կիրան-4» անվանումը: Պետք է նշեմ, որ սա աննախադեպ է իր ընդգրկվածության առումով, քանի որ այս մասշտաբի ընդգրկվածությամբ գործողություն ներկայիս Թուրքիայի այս հատվածում նույնիսկ տեղի չի ունեցել 2015-16թթ-ին, երբ շատ ավելի լուրջ էին թուրք-քրդական բախումները»:
