Ուկրաինան ԼՂ հարցում սատարում է Ադրբեջանին
Ուկրաինան և Ադրբեջանը սատարում են միմյանց երկու երկրների տարածքային ամբողջականության և սուվերենության վերականգնման հարցերում: Ինչպես հաղորդում է Ukraina.ru-ն, այս մասին դեկտեմբերի 17-ին հայտարարել է Ուկրաինայի նախագահ Վլադիմիր Զելենսկին Բաքվում տեղի ունեցած մամուլի ասուլիսի ժամանակ:«Այսօրվա զրույցի կարևոր թեման տարածաշրջանային և ազգային անվտանգության ապահովումն է: Ամենից առաջ խոսքը Ուկրաինայի արևելքում պատերազմի և Լեռնային Ղարաբաղի հակամարտության մասին է: Մենք շարունակում ենք սատարել միմյանց՝ միջազգայնորեն ճանաչված սահմանների շրջանակներում մեր երկրների տարածքային ամբողջականության և սուվերենության վերականգնման հարցերում»,- նշել է Զելենսկին:
Նա նաև հայտարարել է, որ Ուկրաինան և Ադրբեջանը շարունակում են այս ուղղությամբ համատեղ աշխատանքը ինչպես երկկողմ ձևաչափում, այնպես էլ տարբեր միջազգային կազմակերպություններում աշխատանքի շրջանակներում:
