2020թ-ի սպասելիքները շատ են և մեկը մյուսից կարևոր
Hayacq.com-ի ամանորյա բլից-հարցազրույցը ԱԺ պատգամավոր Սեդրակ Թևոնյանի հետ:
-Եթե
2019թ-ը ամփոփելու լինենք, ինչպիսի՞ն էր այն Սեդրակ Թևոնյանի համար:
-Ամփոփելով
2019թ-ը կարող եմ ասել, որ տարին ինձ համար լի էր իրադարձություններով, նոր ձեռքբերումներով՝
թե՛ մարդկային, թե՛ գործնական առումներով, աշխատանքային հետաքրքիր և կարևոր հանդիպումներով,
քննարկումներով, կարճ ասած իրոք շատ բան ենք արել և դեռ շատ բան կա անելու։
Պատասխանատվության
այն զգացողությունը, որ դու համարվում ես ժողովրդի ընտրյալը
և ներկայացուցիչը Ազգային ժողովում, հավատացեք շատ բան է փոխել իմ մեջ։
-Գլխավոր
ձեռքբերումները որո՞նք են եղել:
-Նոր
ընկերներիս հետ ծանոթությունը և ժողովրդի՝ տվյալ դեպքում, իմ մարզի բնակչության վստահության
և հարգանքի հաստատուն մնալը։
-Բացթողումների
մասին ի՞նչ կասեք:
-Չեմ
կարող ասել, որ բացթողումներ չեն եղել։ Բացթողում կարող եմ համարել խնդիրներին լուծում
տալու ուղղակի ֆիզիկապես չհասցնելու հանգամանքը, մարդկանց անհամբերության և միմյանց
չհասկանալու արդյունքում առաջացած «խուճապը»: Ավելի լուրջ բացթողումներ կարծում եմ
չեն եղել։
-Իսկ
որո՞նք են 2020թ-ի սպասելիքները, ակնկալիքները:
-Սպասելիքները շատ են
և մեկը մյուսից կարևոր։
-Կուզեի, որ հնարավորինս արագ՝ լուրջ ու կարևորագույն
խնդիրներն այլևս լուծված լինեին: Մարդկանց ֆինանսական վիճակը բարելավեր՝ մեր հայտարարած
տնտեսական հեղափոխության շնորհիվ, մեր բնակչությունը ավելի հանդուրժող և գիտակից վերաբերմունք
ունենար մեկը մյուսի հանդեպ, պետության հանդեպ։ Շատ կցանկանամ, որ հավատարիմ և հաստատուն
մնանք մեր որոշումներում։
-Որտե՞ղ և ինչպե՞ս եք սիրում դիմավորել Ամանորը:
-Ամանորը միշտ դիմավորում եմ տանը՝ ընտանիքիս
հետ։ Այնուհետև սկսում ենք մեր ավանդական երթը:
-Ձեր նախընտրած ամանորյա ուտեստը:
-Ուտելու առումով ավելի քան հեշտ մարդ եմ,
ամեն համեղ բան համտեսում եմ, իսկ մեր տան պատսրաստած դոլման և բլինչիկը պարտադիր են:
-Ի՞նչ սովորություններ ունեք տոնի հետ կապված,
որոնք արդեն ավանդույթ են դարձել:
-Ինչպես արդեն նշել եմ ամանորյա մեր երթի
մասին, այն արդեն վաղուց ավանդույթ է դարձել։
Իսկ այդ օրերին հյուր գնալիս, հաճույքով ու
սիրով եմ անում, ոչ թե պարտադրաբար։
-Ամանորյա երազանքներ պահո՞ւմ եք, հավատո՞ւմ
եք հրաշքների:
-Կարծում եմ բոլորս էլ՝ մեծ թե փոքր, անգամ
նույնիսկ թաքուն, հոգու խորքում ունենք երազանքներ, հավատում ենք հրաշքներին՝ դրանց
իրականացմանը։ Ես էլ բացառություն չեմ։
-Եթե հնարավորություն լիներ ետ տալ ժամանակը,
ի՞նչ կփոխեիք Ձեր կյանքում:
-Չեմ կարծում ինչ որ բան փոխելու ցանկություն
ունենայի, չեմ արել այնպիսի ճակատագրական որոշումներ կամ սխալներ, որոնք կուզենայի
փոխել։
-Ձեր ամանորյա մաղթանքը:
-Ի սրտե մաղթում եմ մեր երկրին խաղաղություն,
բարօրություն, տնտեսական առաջընթաց։ Մարդկանց մաղթում եմ բարություն, համբերություն
և մի քիչ հանդուրժողականություն։
Թող այս տարին նորանոր հաջողություններ բերի
բոլորիս։ Բարին մեզ հետ։
Hayacq.com
