Վարձկանների բողոքը՝մեզանից շատերը սոված են,պատերազմին մասնակցելու համար խոստացված վճարը չենք ստացել, զոհերի ընտանիքներին փոխհատուցում չի տրվել          Ռուսաստանի համար իրավիճակը շատ ավելի բարդ է.Մի կողմից անհրաժեշտ է պաշտպանել Հայաստանը, բայց մյուս կողմից չի կարելի վիճել Անկարայի հետ. ռուս փորձագետներ       Տեսանյութ.Ռուսական ՄիԳ–ը թույլ չի տվել, որ ամերիկյան հետախույզ ինքնաթիռը խախտի սահմանը    

21 հուն 2020 16:10

Թույլ չտվեցին Մանվել Գրիգորյանին տեղափոխել Ֆրանսիա՝ բուժման համար

Երևանի ընդհանուր իրավասության դատարանը՝ դատավոր Մնացական Մարտիրոսյանի նախագահությամբ, մերժեց բուժման նպատակով Մանվել Գրիգորյանին՝ արտերկիր ուղարկելու մասին պաշտպանների միջնորդությունը։
Դատարանը հայտարարեց, որ տվյալ փուլում չեն ներկայացվել հանգամանք, որը կհիմնավորի, որ Մանվել Գրիգորյանը չի կարող ՀՀ-ում բուժում ստանալ։
Նշենք, որ Մանվել Գրիգորյանի պաշտպան Լևոն Բաղդասարյանը միջնորդություն ներկայացրեց՝ Մանվել Գրիգորյանի բուժումը Ֆրանսիայում շարունակելու համար։ Փաստաբանը հայտարարեց, որ Մանվել Գրիգորյանի հարազատները ցանկանում են նրան տեղափոխել Ֆրանսիայում գործող հիվանդանոցներից մեկը, որտեղ Մանվել Գրիգորյանին տարիներ առաջ վիրահատել են և բուժում էին շաքարային դիաբետը։
Դատական նիստը հետաձգվեց։ Հաջորդ դատական նիստը նշանակվել է փետրվարի 11-ին՝ ժամը 14։00-ին։
Ավելի վաղ տեղեկացրել ենք, որ հունվարի 15-ին դատարանը բավարարել էր դատախազության միջնորդությունը ու Մանվել Գրիգորյանի նկատմամբ ընտրված խափանման միջոց կալանավորումը փոխել՝ չհեռանալու մասին ստորագրությամբ։
Հիշեցնենք՝ Մանվել Գրիգորյանը մեղադրվում է ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակություն կազմակերպելու մեջ:

Մեկնաբանություններ

Համընկնող լուրեր