Նոր մանրամասներ՝ ՊԵԿ փոխնախագահի եղբոր կողմից դաժան սպանությունից. տնից անհետացել են խոշոր չափի ոսկյա զարդեր եւ փող
Նոր մանրամասներ են հայտնի դարձել է ՊԵԿ նախագահի առաջին տեղակալ Ռաֆիկ Մաշադյանի եղբոր՝ Գարիկ Մաշադյանի կողմից կատարված սպանության վերաբերյալ:Shamshyan.com-ի հաղորդմամբ, քրեական գործը միացվել է 2019 թվականին նույն քննչական բաժնում Վարդաշեն 2-րդ փողոցի շենքերից մեկի բնակարանի բնակչուհի՝ 65-ամյա Ցողիկ Բադիկյանի սպանության փաստով հարուցված քրեական գործին։
Ց. Բադիկյանին սպանելու կասկածանքվ ձերբակալվել, ապա կալանավորվել է 46-ամյա Գարիկ Մաշադյանը: Երեկ քրեական գործը հարուցվել է այն փաստով, որ սպանությունից հետո պարզվել է, որ Ց. Բադիկյանի բնակարանից կատարվել է 3 մլն 335 հազար դրամի ոսկյա զարդերի եւ 8300 հազար դրամի գողություն։ Հիմա քննչական բաժինը պետք է պարզի, թե ինչ հանգամանքներում է անհտացել նշած գումարն ու ոսկյա զարդերը։
Ավելի վաղ հայտնել էինք, որ աղբյուրի տեղեկություններով Գարիկ Մաշադյանը կասկածվում էր 2019-ի հոկտեմբերի 22-ին առանձնակի դաժանությամբ իր հարեւանուհի՝ 64-ամյա Ց. Բ.-ին սպանելու մեջ: Աղբյուրի տեղեկություններով՝ կասկածյալը սպանության վայրում քննչական փորձարարության ժամանակ պատմել էր, թե ինչպես էր մտել տուն եւ ինչ գործողություններ էր արել ներսում:
