Փաշինյանն ինֆորմացիա ունի, որ ընդդիմությունը միավորվելու հզոր թրենդի մեջ է, պետք է առժամանակ դադար վերցնել.«Իրատես»
Իրատես» թերթը գրում է. «Նիկոլ Փաշինյանի վերջին շրջանի «բռնկումները» տեղատվել, լեզու գտնելու մարտավարության են վերածվել. Փաշինյանը փորձում է գոնե ներթիմային պայքարում առժամանակ դադար վերցնել:Վերջին «տրիադան»` ամառանոցի այգում, ցուցանք էր, որ թիմում առավոտները խաղաղ են, Ավինյանի ու Թորոսյանի հետ վեճերն էլ` խիստ «գաղափարական գետնին վրա»:
Օրհասական վիճակում գտնվող Փաշինյանն ինֆորմացիա ունի, որ ընդդիմությունը միավորվելու հզոր թրենդի մեջ է, և եթե ինքը շարունակի իր թիմի հետ «փռելու, ծեփելու» մարտավարությունը, ընդհանրապես տանուլ կտա, մանավանդ որ թիմում իր ամենակոշտ ընդդիմախոսներից Ավինյանը «փայլուն» կապեր ունի ընդդիմադիրների հետ։
Ի դեպ, ասում են, թե Ավինյանը լրջորեն հակադարձում է Նիկոլին` առանց նայելու ով կա-ով չկա, ասում` էս բանը սխալ ես անում, էս բանը չի կարելի «ըտենց» անել: Ավինյանի օրինակին է սկսել հետևել նաև Արսեն Թորոսյանը։ Վերջինիս առարկություններն էլ առնչվում են արտակարգ ռեժիմի հետ կապված կառավարության ոչ խելամիտ քայլերին:
Միքայել Մինասյանի լրջագույն մեղադրանքների ֆոնին Նիկոլին պետք էր համերաշխության պերֆորմանս` կանաչ խոտերի ֆոնին, ինչն էլ ժամանակավորապես հետաձգեց Ավինյան-Փաշինյան մերձամարտը»:
Մանրամասները թերթի այսօրվա համարում
