Երկարատեւ միայնությունը տղամարդկանց համար ավելի վտանգավոր է, քան կանանց համար          Երեկոյան ձյուն կգա, կցրտի       Հետ կանչել իր դեսպանին Բաքվից և արտաքսել Ֆրանսիայից Ադրբեջանի դեսպանին.CCAF-ը կոչ է արել Ֆրանսիայի իշխանություններին բացատրություն և ներողություն պահանջել Ադրբեջանից    

18 մայիս 2020 16:35

Կորոնավիրուսով երկրորդ անգամ վարակվածները վտանգ չեն ներկայացնում այլոց համար

Կորոնավիրուսով երկրորդ անգամ վարակվածները վտանգ չեն ներկայացնում այլոց համար: Այս մասին հայտարարել է Կորեայի Հանրապետության առողջապահության եւ սոցիալական ապահովության նախարարության ներկայացուցիչ Յոն Տհե Հոն:


«Նման հիվանդների հետ շփում ունեցած մարդկանց վարակի փոխանցման դեպքեր չեն գրանցվել: Մենք չենք գտել ապացույցներ առ այն, որ նրանք կարող են վարակել ուրիշներին»,- մեջբերում է նրան ՏԱՍՍ-ը:




Առողջապահության նախարարության ներկայացուցիչը նշել է, որ համավարակի սկսվելուց ի վեր երկրի իշխանությունները հայտնաբերել են կորոնավիրուսով կրկին անգամ վարակման 447 դեպք: Նա ենթադրել է, որ, ամենայն հավանականությամբ, նման դեպքերը հայտնվել են առկա ախտորոշիչ մեթոդների անկատարության պատճառով, երբ վիրուս են համարվել արդեն մահացած վիրուսի մնացորդներն օրգանիզմում:


Նույն օրը Ջորջ Մեյսոնի համալսարանի համակարգային կենսաբանության դպրոցի պրոֆեսոր Անչա Բարանովան հայտնել էր, որ կորոնավիրուսից առողջացածների 7-8 տոկոսի մոտ վիրուսի նկատմամբ հակամարմիններ ընդհանրապես չեն ձեւավորում, քանի որ օրգանիզմը դիմագրավում է դրան ինտերֆերոնային պատասխանի միջոցով՝ վիրուսը գրոհող սպիտակուցների առաջացման շնորհիվ:


Մեկնաբանություններ

Համընկնող լուրեր