Հունաստանը Թուրքիայի սահմանին պատնեշներ կկառուցի
Հունաստանը Թուրքիայի սահմանին պատնեշներ կկառուցի: Այդ մասին հաղորդել է քաղաքացիական պաշտպանության նախարար Միխալիս Խրիզոխոիդիսը երկրի հյուսիսարևելյան սահման այցի ժամանակ:«Այս դարպասը կկառուցվի մեր երկրի շահերը պաշտպանելու համար»,- ասել է նա:
Նախարարի խոսքերով՝ այդ կերպ Աթենքում հույս ունեն կանխել անօրինական միգրանտների հոսքը, որոնք կարող են նորից փորձել Թուրքիայով անցնել ԵՄ:
Խրիզոխոիդիսը նշել է նաև, որ հիմա սահմանին սպառնացող իրավիճակի մասին խոսելու պատճառ չկա:
«Հիմա ոչ մի արտակարգ իրավիճակ չկա, անհանգստանալու պատճառ չկա: Սահմանն ապահով է և ապահով էլ կլինի»,- ընդգծել է նա:
Նախարարը հստակեցրել է, որ պատի կառուցումը կուժեղացնի սահմանային միջոցառումները:
