Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

04 հուն 2020 15:15

Ինչո՞վ է Վանեցյանը տարբերվում մյուսներից,որ ինչ-որ մի պահ ասոցացվել է մեր հետ, մի պահ եղել է ԱԱԾ տնօրե՞ն, Հայաստանը խաղալիք չի , որ....

Ձեր նշած անձնավորության քաղաքական փորձառությունն այնքան քիչ է, որ մի որոշ ժամանակ, մոտ 5-7 տարի պետք է լռի եւ ուսումնասիրի քաղաքական գործընթացները, վարչապետի, նախագահի եւ մնացածի տարբերությունը, ուսումնասիրի քաղաքական դաշտը եւ ձեւավորի նորմալ թիմ: Այս մասին այսօր՝ հունիսի 4-ի, ԱԺ-ում լրագրողների հետ զրույցում նշեց ԱԺ փոխնախագահ Ալեն Սիմոնյանը՝ անդրադառնալով ԱԱԾ նախկին տնօրեն Արթուր Վանեցյանին:


Դիտարկմանը, որ Վանեցյանը քաղաքական ուժ է ձեւավորել, տարբեր քննադատական հայտարարություններ է անում, Ալեն Սիմոնյանն արձագանքեց. «Ինչի՞ հաշվին, ինչո՞վ է պարոն Վանեցյանը տարբերվում մյուս արտախորհրդարանական ուժերից: Որ ինչ-որ մի պահ ասոցացվել է մեր հետ, մի պահ եղել է ԱԱԾ տնօրե՞ն: Կարծում եմ՝ մի քիչ ուռճացված է մի անձի շուրջ ձեւավորված դիսկուրսը: Մի բան կարող եմ ասել՝ Հայաստանը խաղալիք չի փողով մեջը քաղաքականություն խաղալու համար: ՀՀ-ում փողով քաղաքականություն ձեւավորելը եւ մարդկանց ճակատագրի, երկրի ճակատագրի հետ խաղալն անընդունելի է: Երբ ինչ-որ ժամանակ որեւէ կուսակցություն կգա կհասնի այն փուլին, որ մենք բաց բանավեճ կունենանք, ես շատ անելիքներ կունենամ»:


ԱԺ փոխնախագահը հավելեց, որ օրինակ, ՀՅԴ-ի անցած քաղաքական ճանապարհի մասին շատ երկար կարելի է խոսել լավը կամ վատը. «Բայց օգտվել այն բանից, որ ինչ-որ մի պահ գործող, բարձր վարկանիշ ունեցող իշխանության հետ հնարավորություն է եղել իշխանություն կիսել եւ այդ բագաժի վրա  հիմնվելով հիմա ամպագորգոռ  հայտարարություններ անել, որոնք որեւէ փոքր բանավեճին անգամ չեն դիմանա եւ դրա շուրջ օրակարգ ձեւավորելը, այդ PR-շիկները, որ Սերժ Սարգսյանին տապալեցին, հաջողության չեն հասնելու»:


Մեկնաբանություններ


Համընկնող լուրեր