Սինգապուրն իր պատմության մեջ դենգե տենդի խոշոր բռնկում է ակնկալում
Սինգապուրն իր պատմության մեջ դենգե տենդի խոշոր բռնկում է ակնկալում, որը մասնակիորեն կապված է պանդեմիայի պատճառով սոցիալական սահմանափակումների հետ, հաղորդում է ՏԱՍՍ-ը՝ հղում անելով The Straits Times-ին:Առաջին 5 ամիսներին դենգե տենդով վարակվածների թիվը գերազանցել է 9,2 հազարը, ինչը գրեթե 2 անգամ շատ է, քան անցած տարվա նույն ժամանակահատվածում: Շրջակա միջավայրի ազգային գործակալության կանխատեսման համաձայն՝ տարվա արդյունքներով տվյալ ցուցանիշը կարող է գերազանցել 2013 թվականի պատմական առավելագույնը:
Տարեսկզբից Սինգապուրում դենգեից մահացել է 12 մարդ, անցած տարի՝ 20 մարդ:
Դենգեն վիրուսային վարակ է, որը հանդիպում է տրոպիկական եւ սուբտրոպիկական տարածաշրջաններում: Դրա ախտանիշներն են՝ բարձր ջերմություն, սրտխառնոց, ցան, գլխացավեր եւ գոտկատեղի ցավեր:
