Եթե կառավարությունը նշված քայլերը չկատարի, ապա կստանձնի դավաճանության պատասխանատվությունը
Նորքի ինֆեկցիոն կլինիկական հիվանդանոցը Ռուսաստանից ժամանած արցախաբնակ ՀՀ քաղաքացուն ուղեգրել է մեկուսանալու Շուշիի հիվանդանոցում՝ ուղեգրի վրա նշելով. «Մեկուսացման հասցե՝ Ադրբեջան, Շուշի քաղաք»։ Այս մասին իր ֆեյսբուքյան էջում գրել է «Սասնա ծռեր» կուսակցությունը՝ կցելով ուղեգրի լուսանկարը։Գրառման մեջ, մասնավորապես, ասվում է. «ՀԱՂՈՐԴԱԳՐՈՒԹՅՈՒՆ
Դավաճանությունը գործողության մեջ
Նորքի ինֆեկցիոն կլինիկական հիվանդանոցը Ռուսաստանից ժամանած արցախաբնակ ՀՀ քաղաքացուն ուղեգրել է մեկուսանալու Շուշիի հիվանդանոցում՝ ուղեգրի վրա նշելով. "Մեկուսացման հասցե՝ Ադրբեջան, Շուշի քաղաք"։
ՀՀ կառավարությունը պարտավոր է պաշտոնապես պարզաբանել այս դավաճանական գործողությունը և միջոցներ ձեռնարկել մեղավորներին պատասխանատվության ենթարկելու համար։
Եթե կառավարությունը նշված քայլերը չկատարի, ապա կստանձնի դավաճանության պատասխանատվությունը։
Սասնա Ծռեր համահայկական կուսակցության Քարտուղարություն
11.06.2020 Երևան »։
