Մարիաննա Գևորգյանը համաշխարհային մրցույթ-փառատոնի գլխավոր մրցանակակիրն է
Սիրված քանոնահարուհի Մարիաննա Գևորգյանն արժանացել է World Folk Vision global cultural initiative փառատոնի 3 գլխավոր մրցանակներից մեկին՝ «Աշխարհի ժողովուրդների երաժշտություն անվանակարգում», որտեղ հաղթողը որոշվում է 50 % քվեարկության եւ 50 % ժյուրիի որոշման արդյունքումԸստ փառատոնի կայքի, Մարիաննան նաև գլխավորում է մրցույթին մասնակցած լավագույն հարյուր երաժիշտների ցանկը:
Hayacq.com-ի հետ զրույցում Մարիաննան նշեց. «Ես ներկայցրել եմ Սայաթ–Նովայի փառահեղ Էշխեմեդը` համերգային, կենդանի կատարում: Ուրախ եմ, որ 180 երկրի 3950 մասնակցից միայն ես եմ ներկայացրել քանոն, քանի որ մասնակից երկրներից շատերն ունեին այս նվագարանը: Սա ևս հաղթանակ էր, որ աշխարհին հայն է ներկայացնում քանոնը հայեցի նվագով»:
Տեղեկացնենք, որ կիսաեզրափակիչ փուլ մասնակիցները անցել են բացառապես ժյուրիի ընտրությամբ, այնուհետև օնլայն քվեարկության և ժյուրիի ընտրությամբ 50/50 տարբերակով են եղել կիսաեզրափակիչ ու եզրափակիչ փուլերը, որը տևեց մեկ ամիս:
Hayacq.com-ը շնորհավորում է Հայաստանին և Մարիաննա Գևորգյանին մաղթելով նորանոր հաջողություններ:
