Տեսանյութ.Բաքվում երեկ կեսգիշերին ցույց է տեղի ունեցել, ներխուժել են խորհրդարանի շենք՝պահանջելով ռազմական գործողությունների շարունակություն

Ակցիայի վայր են ժամանել բազմաքանակ ոստիկանական ուժեր:

«ՌԻԱ Նովոստի»-ի տեղեկություններով՝ մարդիկ երթ էին անցկացնում ադրբեջանական մայրաքաղաքի կենտրոնական փողոցներով՝ վանկարկելով հայրենասիրական կարգախոսներ: Գործակալության գնահատմամբ երթին մասնակցել է հազարից ավելի մարդ:

Հետաքրքիր է, որ խորհրդարանի անվտանգության ծառայության աշխատակիցները չեն խոչընդոտել ցուցարարների մուտքին խորհրդարան, որը տեղի է ունեցել ժամը 4:00-ի մոտակայքում: Ներխուժումից 15-20 րոպե անց ոստիկանական ուժերը, մահակներ գործածելով, դուրս են հանել ցուցարարներին խորհրդարանի շենքից և ձերբակալել մի քանիսին: Միևնույն ժամանակ, ցուցարարների մի մասը ոստիկանական մեքենա է շրջել: Խորհրդարանի առջև մնացած ցուցարարներին ոստիկանությունը ցրել է ջրցան մեքենաների միջոցով: