«Թուղթուգիրը» հանելու համար 54 հազար եվրո է քամուն տվել
Մոսկվայի բնակչուհին 54 հազար եվրո (մոտ 4,4 մլն ռուբլի) է տվել հեռուստատեսությամբ ելույթ ունեցած խարդախներին, որոնք խոստացել են հանել «թուղթուգիրը»:Ինչպես նշում է ria.ru-ն, կինը հեռուստացույցով էքստրասենսների մասին հաղորդում է դիտել ու հետաքրքրվելով կապ հաստատել դրա հեղինակների հետ: Վերջիններս կնոջը վստահեցրել են, որ նրա վրա «թուղթուգիր» է արված: «Փորձագետներն» ասել են, որ «թուղթուգիրը» պետք է անհապաղ հանել մի քանի սեանսի միջոցով:
Ընդհանուր առմամբ, կինն այդ սեանսների համար վճարել է 54 հազար եվրո: «Էքստրասենսները» խոստացել են, որ տված գումարը կվերադարձվի իրենց հիմնադրամից, սակայն գումարը ստանալուց հետո այլևս հնարավոր չի եղել նրանց հետ կապ հաստատել:
