Ռուսաստանի հայերի միությունը ադրբեջանցու հարցաքննության կադրեր է հրապարակել.ժամանակն է փակել արդեն այդ շուկան
Ռուսաստանի հայերի միության ֆեյսբուքյան էջում հրապարակվել են վերջին օրերին հայերի հետ բախումների ժամանակ ձերբակալված ադրբեջանցիներից մեկի հարցաքննությունից կադրեր:Նրան հարցնում են՝
— Որտե՞ղ ես աշխատում
— «Ֆուդ սիթի»-ում
— Որպես ի՞նչ
— Գնորդ
Հրապարակելով հարցաքննության այս փոքր հատվածը՝ հայերի միության մամուլի ծառայությունը նշում է, որ ժամանակն է փակել արդեն այդ շուկան, ինչպես ժամանակին փակվել է «Չերքիզոն»-ը:
ՌՀՄ-ն նաեւ հայտնում է, որ իրավիճակը կարգավորվել է, իրավապահ մարմինները աշխատում են կոշտ եւ համակարգված, իսկ միությունը զբաղվում է առօրյա աշխատանքով՝ պահպանելով զգոնությունը:
Հիշեցնենք՝ ադրբեջանցիների եւ հայերի միջեւ բախումներ էին եղել Մոսկվայում հուլիսի 23-ին եւ 24-ին: Ադրբեջանցիները խմբերով հարձակվել էին առանձին հայերի վրա, ծեծել, ջարդել մեքենաները, սպառնացել, հայերից անգամ դանակահարվել էր երիտասարդ:
