Ֆիլիպինների հյուսիսում արձանագրվել է խիստ ախտածին թռչնագրիպ
Ֆիլիպինների գյուղատնտեսության նախարարությունը հաստատել է, որ Պամպանգա նահանգում ֆերմաներում H5N6 թռչնագրիպ է հայտնաբերվել, հաղորդում է ՏԱՍՍ-ը:Վիրուսի տարածումը կանխելու համար ոչնչացվել է 38,7 հազար հավ: Մասնագետների խոսքով՝ վիրուսը չի հայտնաբերվել բրոյլեր ճտերի մոտ, որոնք կարող էին հայտնվել տեղաբնակների սեղաններին:
Թռչնաբանների գնահատմամբ՝ Կենտրոնական Լուսոն շրջանում, որտեղ գտնվում է Պամպանգան, ամեն տարի մինչեւ 150 000 չվող թռչուն է բույն դնում: Իշխանությունները ֆերմերին խորհուրդ են տալիս թույլ չտալ կոնտակտ տնային եւ վայրի թռչունների միջեւ :
Առողջապահության համաշխարհային կազմակերպության տվյալներով՝ թռչնագրիպը թռչունների վարակիչ վիրուսային հիվանդություն է, հաճախ առանց ակնհայտ ախտանիշների: Որոշ դեպքերում վիրուսը կարող է առաջացնել հիվանդություն կամ ասիմպտոմատիկ ինֆեկցիա մարդկանց և կենդանիների մոտ:
