Տեսանյութ.Ինչպես հաղթահարել ներանձնային կոնֆլիկտը և դառնալ սեփական կյանքի տերը          Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը       Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է    

06 օգոս 2020 11:35

Ոմանք էլ քննադատել և մեղադրել են Արոնյանին «այսքան շուտ սեր գտնելու» համար

Արդեն մի քանի օր է համացանցում շրջանառվում են լուրեր շախմատի Համաշխարհային օլիմպիադայի եռակի չեմպիոն, աշխարհի գավաթակիր, հայկական շախմատի առաջատար Լևոն Արոնյանի նոր ընկերուհու մասին:


Շրջանառվող լուրերն ավելի բուռն քննարկումների առիթ դարձան «Անիտա Այվազյան» անունով ֆեյսբուքյան օգտատերի էջում հայտնված Լևոն Արոնյանի հետ համատեղ լուսանկարն ու դրան կցված գրառումը․


«Ճիշտ ժամանակն է շարունակել փորձել ժպտալ: Ի՞նչ օգուտ լացից: Դու կհասկանաս, որ կյանքը դեռ արժե, երբ դու ուղղակի ժպտում ես»։


Ավելի ուշ տարբեր ֆեյսբուքյան օգտատերեր սկսեցին հրապարակել Լևոն Արոնյանի և նույն աղջկա հետ այլ համատեղ լուսանկարներ:


Աղջկա հրապարակած լուսանկարը բազմաթիվ արձագանքների և մեկնաբանությունների է արժանացել: Ոմանք երջանկություն են մաղթել զույգին, ոմանք էլ քննադատել և մեղադրել են անվանի շախմատիստին «այսքան շուտ սեր գտնելու» համար:


Լևոն Արոնյանն ու անծանոթ հայուհին դեռևս որևէ մեկնաբանություն չեն տվել իրենց հարաբերությունների վերաբերյալ:


Հիշեցնենք, որ Լևոն Արոնյանի կինը՝ 33-ամյա Արիանա Կաոիլին մահացել է մարտի 31-ին ավտովթարի հետևանքով: Նա մարտի 14-ին վթարի էր ենթարկվել Երևանում:


Ֆիլիպինյան ծագումով ավստրալացի շախմատիստուհին ՖԻԴԵ-ի կանանց միջազգային վարպետ էր, 2016 թվականից՝ Երևանում լույս տեսնող «Ճամփորդ» շաբաթաթերթի գլխավոր խմբագիրը։ 2017 թվականի նոյեմբերի 21-ին Կարեն Կարապետյանը նրան նշանակել էր ՀՀ վարչապետի խորհրդական` հասարակական հիմունքներով։ Լևոն Արոնյանն ու Արիանա Կաոիլին ամուսնացել էին 2017թ. սեպտեմբերի 30-ին։

Աղբյուրը՝ sport.news.am


Մեկնաբանություններ


Համընկնող լուրեր