Խելագար հարստության 15 րոպեն.Տղամարդը հանկարծակի դարձել է միլիարդատեր բանկի սխալի պատճառով
ԱՄՆ Մասաչուսեթս նահանգից հոգեբույժ Բլեզ Ագիրրեն, որը Bank of America-ի հաճախորդ է, հանկարծակի դարձել է միլիարդատեր բանկի սխալի պատճառով։ Լենտա.ռու կայքը, հղում անելով Bloomberg-ին, գրում է, որ նա բացել է հաշիվն ու տեսել, որ 2,45 միլիարդ դոլար կա այնտեղ։ Նա կրկին անգամ ստուգել է բջջային հավելվածով և ֆինանսական կազմակերպության կայքում, բայց ոչինչ չի փոխվել։Ամերիկացին ենթադրել է, որ Bank of America-ի աշխատակիցներն ինքնուրույն կնկատեն սխալը, բայց հետո որոշել է զանգահարել մենեջերին` խորհրդավոր փողերի մասին հետաքրքրելու համար:
«Դա պատկերման սխալ էր և ոչ ավելին: Շտկվել է», - ասել է ֆինանսական կազմակերպության ներկայացուցիչ Բիլ Հոլդինը:
Ագիրեն ավելի ուշ Թվիթերում գրել է, որ դա եղել է իր խելագար հարստության 15 րոպեն»:
