Երբ լվանում էի մազերս, անսպասելի տեսա, որ մազափնջեր են թափվում
Մեծ Բրիտանիայի Բաքինհեմշիր կոմսության Գրեյթ-Բրիկհիլ գյուղից 36-ամյա Քենդի Քոենը ճաղատացել է, նա սկզբում դա շփոթել է հղիության հետ:Ինչպես հայտնում է The Sun-ը, 2012 թվականի սեպտեմբերին կնոջ մոտ սրտխառնոց է սկսվել առավոտյան ժամերին, եւ նա որոշել է, որ դա ստամոքսի խանգարում է, ապա կարծել է, որ հղի է, սակայն թեստը բացասական է եղել:
Այդ ժամանակ Քենդին դիմել է բժշկի: Նա արյան անալիզներ է հանձնել, որոնց ցույց են տվել, որ նրա լյարդը բորբոքված է, եւ դրա պատճառով օրգանիզմում բարձրացել է բիլիրուբինի մակարդակը: Հենց այդ պատճառով կնոջ մաշկը դեղին երանգ է ստացել:
Հաջորդ 6 շաբաթների ընթացքում Քենդիին անհանգստացրել է մաշկի քորն ու անքնությունը:
Կարճ ժամանակում նա նիհարել է 6 կգ-ով: Բացի այդ, նրա մազերը սկսել են թափվել:
«Երբ լվանում էի մազերս, անսպասելի տեսա, որ մազափնջեր են թափվում: Չեմ կարող նկարագրել, թե որքան էի ցնցված»,-պատմել է նա:
Դրանից հետո Քենդիի մոտ օջախային մազաթափություն է ախտորոշվել:
Նա պատվիրել է ճաղատացման դեմ բոլոր հնարավոր միջոցները, սակայն դրանք չեն օգնել:
Քենդին որոշել է սափրել գլուխը: Որոշումը նա հեշտ չի ընդունել, սակայն խուսափել է հետագա սթրեսից:
Այժմ նա կեղծամներ է կրում, լուսանկարներ հրապարակում՝ այդպիսով ոգեշնչելով սոցցանցի օգտատերերին: Իր հարսանիքին նա կրել է երկար բաց գույնի կեղծամ:
