Լուկաշենկոն Միշուստինին կտա Նավալնիին թունավորելու մասին հայտարարությունը հերքող ձայնագրությունայն սղագրությունը
Բելառուսի նախագահ Ալեքսանդր Լուկաշենկոն Ռուսաստանի վարչապետ Միխայիլ Միշուստինին հայտնել է Վարշավայի և Բեռլինի զրույցի գաղտնալսման մասին, որը հերքում է ընդդիմադիր Ալեքսեյ Նավալնիին թունավորելու մասին պնդումները: Այս մասին հայտնում է ՌԻԱ Նովոստին։«Ես նկատեցի՝ դիտելով ռուսաստանյան իրադարձությունները, նրանց մոտ, Արևմուտքում, մի նոր հնարք է հայտնվել. Նորից «Նովիչոկ», նորից թունավորում: Ես ձեզ պետք է ասեմ, որ երեկ կամ նախօրեին, Մերկելի (Գերմանիայի կանցլեր) ելույթից առաջ, նա հայտարարել է, թե ցանկացել են փակել նրա բերանը, այսինքն՝ Նավալնիի, մենք գաղտնալսել ենք խոսակցությունը ... Մենք հասկանում ենք, որ Վարշավան խոսում է Բեռլինի հետ. երկու բաժանորդ կապի մեջ են: Գաղտնալսել է մեր ռադիոէլեկտրոնային ռազմական հետախուզությունը»,-ասել է Լուկաշենկոն Մինսկում Միշուստինի հետ հանդիպման ժամանակ:
Նա խոստացել է, որ ռուսական կողմին կտա այդ «հետաքրքիր զրույցի սղագրությունը, որում հստակ խոսվում է այն մասին, որ դա կեղծիք է»:
