Գագիկ Ծառուկյանը 100 միլիոն դրամ գրավի դիմաց ազատ արձակվեց          Կքննարկվի Թուրքիային ԵՏՄ սակագնային արտոնությունների միասնական համակարգից օգտվող երկրների ցանկից հանելու հարցը       Գերմանիան մերժել է Թուրքիա զենքի արտահանման դադարեցման մասին Հունաստանի դիմումը, չնայած պատերազմի սպառնալիքներին    

27 սեպ 2020 20:36

Ընթանում են թեժ մարտեր, հակառակորդն ունի կենդանի ուժի եւ զրահատեխնիկայի մեծ կորուստներ. ՊԲ հրամանատարի տեղակալ

Այս պահին շփման գծի երկայնքով ընթանում են թեժ մարտեր, հակառակորդն ունի կենդանի ուժի եւ զրահատեխնիկայի մեծ կորուստներ: Այս  մասին այսօր` սեպտեմբերի 27-ին, ասուլիսի ժամանակ հայտնեց ԱՀ ՊԲ հրամանատարի տեղակալ Արթուր Սարգսյանը:

«Ճշտված տվյալներով պաշտպանության բանակը կիրառելով հակաօդային պաշտպանության միջոցները կարողացել են խոցել 3 ուղղաթիռ, շուրջ 20 ԱԹՍ, այդ թվում հարվածային, 30 տանկ եւ հետեւակի մարտական մեքենա»,-ասել է նա:

Ավելի վաղ  հայտնել էինք, որ սեպտեմբերի 27-ին՝ ժամը 07:15-ի սահմաններում, հակառակորդը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական հակամարտ զորքերի շփման գծի ողջ երկայնքով՝ թիրախավորելով նաեւ խորը թիկունքում տեղակայված բնակավայրերը, այդ թվում՝ մայրաքաղաք Ստեփանակերտը:

ՊԲ ստորաբաժանումների կողմից ոչնչացվել են հակառակորդի 4 ուղղաթիռ, շուրջ 15 ԱԹՍ, այդ թվում՝ հարվածային, 10 տանկ և հետևակի մարտական մեքենա: ՊԲ ստորաբաժանումների կողմից ոչնչացվել են հակառակորդի 4 ուղղաթիռ, շուրջ 15 ԱԹՍ, այդ թվում՝ հարվածային, 10 տանկ և հետևակի մարտական մեքենա: Հակառակորդը կրել է նաեւ մարդկային կորուստներ:

Ադրբեջանական հրետակոծությունների հետեւանքով Արցախի քաղաքացիական բնակչության շրջանում կան զոհեր ու վիրավորներ: Հրետակոծել են նաեւ դպրոցներ, ներառյալ՝ Ստեփանակերտում: Քաղաքացիական ենթակառուցվածքների մեծամասշտաբ վնասներ կան բազմաթիվ բնակավայրերում:

Մեկնաբանություններ

Համընկնող լուրեր