Իբր Սիրիայից զինյալները Վրաստանի տարածքով Ադրբեջան են տեղափոխվում .նպատակը սրել ու լարվածության ստեղծել Վրաստանում եւ ամբողջ տարածաշրջանում
Տեղեկատվությունը այն մասին, որ Թուրքիայից սիրիացի զինյալներ են տեղափոխվում Ադրբեջան Վրաստանի տարածքով, իրականությանը չի համապատասխանում: Այս հայտարարությունը լրագրողների հետ ճեպազրույցում արել է Վրաստանի Պետական անվտանգության ծառայության ղեկավար Գրիգոլ Լիլուաշվիլին` Լեռնային Ղարաբաղում իրավիճակի սրմանը նվիրված Ազգային անվտանգության խորհրդի նիստից հետո:«Ես ցանանում եմ մեկնաբանել ապատեղեկատվությունը, որը տարածվում է սոցիալական ցանցերում, այն մասին, որ իբր Թուրքիայից Վրաստանի տարածքով ապօրինի սիրիական կազմավորումներ են տեղափոխվում Ադրբեջանի ուղղությամբ: Ես ուզում եմ նշել, որ այս տեղեկատվությունը ոչ մի հիմք չունի: Դա սուտ է, դրա նպատակը սրումն ու լարվածության ստեղծումն է Վրաստանում եւ ամբողջ տարածաշրջանում»,- ասել է Լիլուաշվիլին:
Նա նաեւ հավելել է, որ սոցիալական ցանցերում կոչեր են տարածվում` փակել Ադրբեջան տանող ավտոճանապարհը: Ըստ Լիլուաշվիլիի` Պետական անվտանգության ծառայությունը կապի մեջ է Հայաստանի եւ Ադրբեջանի գործընկերների հետ, եւ Վրաստանի եւ տարածաշրջանի անվտանգության դեմ ուղղված ցանկացած գործողություն կճնշվի:
