Պոմպեոն հույս ունի, որ սիրիական իսլամիստներին Գազիանթեփով Լեռնային Ղարաբաղի հակամարտության գոտի տեղափոխելու վերաբերյալ տվյալները ճիշտ չեն
ԱՄՆ պետքարտուղարը հույս է հայտնել, որ սիրիական իսլամիստներին Գազիանթեփով Լեռնային Ղարաբաղի հակամարտության գոտի տեղափոխելու վերաբերյալ տվյալները ճիշտ չեն։«Այդ հաղորդագրությունները ես նույնպես տեսել եմ: Իրականում, սա ամենն է, ինչ ես կարող եմ ասել այս պահին։ Հուսով եմ, որ դա այդպես չէ: Մենք տեսել ենք, թե ինչպես էին սիրիացի զինյալներին Սիրիայից Լիբիա տեղափոխում: Դա մեծացրեց անկայունությունը, ստեղծեց ավելի շատ հուզումներ, ավելի շատ բախումներ, ավելի շատ մարտեր, ավելի քիչ խաղաղություն: Կարծում եմ, որ դա նույնը կանի Լեռնային Ղարաբաղում և դրա շուրջ հակամարտության դեպքում: Այնպես որ, հուսով եմ, որ այս տվյալները սխալ դուրս կգան», – ասել է ԱՄՆ պետքարտուղարը:
