Ստեփանակերտ և Շուշի քաղաքները կրկին հրթիռակոծվում են. Ադրբեջանի խոշոր քաղաքներում ապրող խաղաղ բնակչությանը կոչ է արվում անհապաղ լքել իրենց բնակավայրերը. Տեսանյութ
Վահրամ Պողոսյանն Ադրբեջանի խոշոր քաղաքներում ապրող խաղաղ բնակչությանը կոչ է անում անհապաղ լքել իրենց բնակավայրերը։ ՊԲ–ն պատասխան քայլեր է իրականացնելու։Արցախի նախագահի խոսնակ Վահրամ Պողոսյանը տեղեկացնում է, որ թշնամին կրկին հրթիռակոծում է Ստեփանակերտ և Շուշի քաղաքները։
«Պաշտպանության բանակի պատասխանը չի ուշանա։ Սակայն, ի տարբերություն Բաքվի ահաբեկչական իշխանության, մենք թիրախավորում ենք ոչ թե քաղաքացիական բնակչությանը, այլ խոշոր քաղաքներում մշտական տեղակայում ունեցող ռազմական օբյեկտները»,–Facebook սոցցանցի իր էջում գրել է Պողոսյանը։
Նա Ադրբեջանի խոշոր քաղաքներում ապրող խաղաղ բնակչությանը կրկին կոչ է անում անհապաղ լքել իրենց բնակավայրերը, որպեսզի խուսափեն հնարավոր զոհերից։
