Նկարահանող խմբի անդամները հրետակոծությունից հետո կիսավեր շենքի բնակարանից գրկած դուրս են բերում ծեր կնոջը. Տեսանյութ
ՀՀ Մարդու իրավունքների պաշտպանը հրետակոծված Արցախի մայրաքաղաք Ստեփանակերտից տեսանյութ է հրապարակել։Տեսանյութում ներկայացված է Ադրբեջանի կողմից հայկական խաղաղ բնակավայրը արգելված զինատեսակներով ռմբահարելու հետևանքները` քանդված շենքեր, այրվող ավտոմեքենաներ, անօգնական մնացած ծերեր։
Ստեփանակերտի հրետակոծված 5 հարկանի շենքի բնակիչները, բարեբախտաբար, այդ պահին ապաստարանում են եղել։
«Մեկ–երկու մեծահասակներ են եղել։ Թե նրանք ինչ վնասվածքներ են ստացել՝ պարզ կլինի ավելի ուշ»,– ասված է տեսանյութում։
Տեսանյութի մեկնաբանությունում ՀՀ ՄԻՊ Արման Թաթոյանը հայտնում է, որ ներկայացված է Ստեփանակերտի վիճակը հոկտեմբերի 4-ի դրությամբ։
«Ստեփանակերտը խաղաղ քաղաք է, որի խաղաղ բնակչությունը ենթարկվում է անդադար հարձակումների, որոնց հետևանքով քաղաքը մեծ վնասներ է կրել, կան ավերածություններ ու զոհեր»,– միջազգային լսարանին ուղղված գրառմամբ հայտնում է ՀՀ ՄԻՊ–ը։
Թաթոյանը նաև նշում է, որ Ադրբեջանի ԶՈՒ-երը Արցախի խաղաղ բնավայրերի նկատմամբ պարբերաբար կիրառում են մարտական արգելված գլխիկներով լիցքավորված, միջազգայնորեն արգելված հրթիռներ`խաղաղ բնակավայրերի խաղաղ բնակչության դեմ։
