Տեսանյութ, թե ինչպես են Ստամբուլում դանակահարել ռուսաստանցիներին          Ալիևն ու Էրդողանը հավանություն են տվել թուրքի՝ Շուշիում դպրոց կառուցելու առաջարկին       Իմ տեղեկություններով, գաղտնի բանակցությունների արդյունքում որոշել են Ադրբեջանին հանձնել Հայաստանի բոլոր կղզյակները    

26 նոյ 2020 16:05

Որևէ մեկը չի ասել, որ Արցախի հանձնված հողերը կադրային փոփոխություններով հետ պետք է բերվեն

ՀՀ կառավարության կադրային փոփոխություններն Արցախյան պատերազմում ունեցած պարտության հետ կապ չունեն: Այսօր լրագրողների հետ ճեպազրույցում նման տեսակետ հայտնեց ԱԺ «Իմ քայլը» խմբակցության անդամ, Տնտեսական հարցերի հանձնաժողովի նախագահ Բաբկեն Թունյանը:

«Որևէ մեկը չի ասել, որ Արցախի հանձնված հողերը կադրային փոփոխություններով հետ պետք է բերվեն: Կադրային փոփոխությունները նրա համար են, որ թարմ շունչ հաղորդվի, որովհետև Հայաստանը դեռ պիտի գոյատևի և տնտեսությունն ու մնացած կառույցները նորմալ աշխատեն»,- ասաց Թունյանը:
Պատգամավորը շեշտեց, որ գաղտնիք չէ, որ կոնկրետ ոլորտների հետ կապված հանրության մեջ կային դժգոհություններ, որոշ ոլորտներում էլ, նրա խոսքով, նոր մոտեցումներ են պետք:

«Խնդիրը ոչ թե անձերն են, այլ ծրագրերը, գաղափարները»,- ասաց Թունյանը՝ հավելելով, որ ըստ վարչապետի նախանշած ճանապարհային քարտեզի` 6 ամսվա ընթացքում նոր կադրերը պետք է որոշակի արդյունքներ ապահովեն:

Լրագրողները տնտեսագետ պատգամավորից հետաքրքրվեցին նաև, թե ինչպես է վերաբերվում ՀՀ էկոնոմիկայի նախարարի պաշտոնում գործարար, «Menu.am»  ընկերության հիմնադիր Վահան Քերոբյանի նշանակման լուրին: 

«Նշանակումը կլինի, նոր կմեկնաբանեմ: Ամեն դեպքում բիզնեսմեն կնշանակվի, թե ոչ բիզնեսմեն, ցանկացած թեկնածուի պարագայում մանրամասն քննարկումներ են իրականացվում: Ուղղակի հասկանանք՝ այդ մարդն ի վիճակի լինելու է ինչ-որ փոփոխություններ կատարել, ունի բավարար փորձ, գիտելիքներ»,- ասաց Թունյանը:

Նշենք, որ ներքաղաքական վերջին իրադարձությունների ֆոնին վարչապետը կադրային փոփոխություններ է անում, թեև ընդդիմությունը պահանջում է հենց նրա հրաժարականը։
Առաջինը հեռացան ՀՀ արտաքին գործերի և պաշտպանության նախարարներ Զոհրաբ Մնացականյանը և Դավիթ Տոնոյանը։ Ոչ բոլորն են սեփական դիմումի համաձայն գնում, շատերը լքում են պաշտոնը վարչապետ Նիկոլ Փաշինյանի «դրդմամբ»։ Շատ փորձագետների կարծիքով՝ այդպիսով վարչապետը փորձում է ազատվել ժողովրդականություն վայելող նախարարներից և բարձրացնել իր վարկանիշը։

Մեկնաբանություններ

Համընկնող լուրեր