Ղարաբաղյան հարցում դեռ շատ գործ կա անելու ..Ռուսաստանն իրեն թույլ չի տա միջամտել ԱՊՀ անդամ ու այլ երկրների ներքին հակամարտություններին
Ռուսաստանը չի միջամտելու ԱՊՀ անդամ երկրների ներքին հարցերին, սակայն կարող է աջակցություն ցուցաբերել, եթե համապատասխան խնդրանք լինի: Այս մասին հայտարարել է ՌԴ ԴԽ խոսնակ Վալենտինա Մատվիենկոն:«Ռուսաստանն իրեն թույլ չի տա միջամտել ԱՊՀ անդամ ու այլ երկրների ներքին հակամարտություններին: Սակայն մեր երկիրը պատրաստ է աջակցություն ցուցաբերել, եթե համապատասխան խնդրանք լինի: Մենք չենք պարտադրում մեր տեսակետը, չենք փորձում ինչ-որ ձևով ազդեցություն ունենալ այս կամ այն իրավիճակի վրա, չնայած լավ գիտենք ու հասկանում ենք, որ շատ գործընթացներ, այդ թվում՝ ետխորհրդային տարածքում, տեղի են ունենում մի շարք երկրների բացահայտ միջամտությամբ»,-ասել է նա:
«Դա էլ շատ լուրջ հետևանքների է բերելու»,-հավելել է նա:
Մատվիենկոն նշել է, որ գործընթացին պետք է մասնակցեն նաև այն երկրները, որոնք ներգրավված են ղարաբաղյան հակամարտության Կարգավորման հարցում. «Դեռ շատ բարդ գործ կա անելու»:
