Կանխատեսվում է մինչև -3․․.-4 աստիճան ցուրտ. ԱԻՆ          Տեսանյութ.Ալիևը Երևանն է ուզում. օպերայի շենքի վրա թշնամու դրոշը դնելո՞վ են խաղաղություն կնքելու թուրքերի հետ       Հեյդար Ալիևը Թեհրանում եղել է ԿԳԲ-ի գործակալը. մաքրում էր իրանցիների կոշիկները. սկանդալային բացահայտում՝ Իրանից    

12 հուն 2021 13:14

Գորիսից Որոտան, Շուռնուխ և Կապան տանող 21 կմ-ն Ադրբեջանի վերահսկողության տակ է. ադրբեջանցիք պարբերաբար զենքով հայտնվում են այդ ճանապարհների վրա

Գորիսից Որոտան, Շուռնուխ ու Կապան տանող ճանապարհի 68 կիլոմետրանոց հատվածից 21 կմ-ն այս պահին գտնվում է ադրբեջանական վերահսկողության ներքո։ Այսօր կայացած մամուլի ասուլիսի ժամանակ հայտնեց ՀՀ մարդու իրավունքների պաշտպան Արման Թաթոյանը։

Նա նշեց, որ սահմանազատման աշխատանքներում խնդրահարույց դեպքեր են արձանագրվել։ Որպես օրինակ բերեց Շուռնուխի բնակիչներից մեկի դեպքը, երբ անասնագոմը երկու մասի է բաժանվել` «ադրբեջանական» և «հայկական»։
«Բացի այդ, ադրբեջանցի զինվորները ճանապարհներին ցուցանակների տեղադրումը բացահայտ սադրանքների միջոցով են անում։ Նրանք պարբերաբար զենքով հայտնվում են այդ ճանապարհների վրա։ Հարցն այն է, որ այդ ճանապարհները մեր քաղաքացիական բնակավայրերն իրար կապող ճանապարհներն են, և եթե հայկական կողմում խաղաղ բնակիչներն են, ապա ադրբեջանական կողմում` զինվորներ են կանգնած»,–ասաց Թաթոյանը։

Նա հավելեց, որ այս բոլոր խնդիրներն առաջացել են, քանի որ սահմանների որոշման գործընթացը մեխանիկական մոտեցումներով է ընթանում։

Թաթոյանը հայտնեց նաև, որ սահմանազատման աշխատանքների հետևանքով ուղիղ սպառնալիքներ են առաջացել ոչ միայն Կապանի օդանավակայանի, այլ նաև Մ2 միջպետական` Կապանը Երևանին կապող ճանապարհի հետ։ Կապանի խաղաղ բնակությունը նույնպես վտանգի տակ է հայտնվել։

ՀՀ ՄԻՊ-ն անդրադարձավ նաև մի շարք անպատասխան մնացած հարցերի, օրինակ` ի՞նչ օրենսդրությունն է կիրառվելու ՃՏՊ–ների դեպքում հայ և ադրբեջանցի վարորդների միջև, կամ էլ` ի՞նչ է լինելու, եթե որևէ մեկի մեքենան փչանա այն հատվածում, ուր ադրբեջանցի զինվորներ են կանգնած։ ՄԻՊ–ի խոսքով` եթե որոշ տարածքներ համարվում են Ադրբեջանինը և այդտեղ մարդ է ընկնում մեքենայի տակ` ադրբեջանցի քննիչնե՞րն են գալու դեպքի վայր։

Մեկնաբանություններ

Համընկնող լուրեր