Ռուսական «Սու-34» ռմբակոծիչները հագեցվել են հետախուզական նոր համակարգերով          Ըստ ԱՄՆ-ի՝ Իսրայելը մասնակցություն է ունեցել Իրանի միջուկային օբյեկտում տեղի ունեցած վթարին       Ձվարանի քաղցկեղի նախանշանները.շատ ագրեսիվ, արագ է ներգործում    

16 հուն 2021 14:55

Ոչ մի երկիր իրավունք չունի միջամտելու և որոշելու Թուրքիայի քաղաքականությունը,ուղղորդել մեր ընթացքը,թույլ չենք տա

ՆԱՏՕ-ի երկրները չպետք է միջամտեն Թուրքիայի քաղաքականությանը. ըստ Anadolu-ի` հունվարի 15-ին հայտարարել է Թուրքիայի նախագահ Ռեջեփ Թայիփ Էրդողանը: 


ԱՄՆ նորընտիր նախագահ Ջո Բայդենի երդման արարողության նախօրեին Թուրքիայի ղեկավարը հույս է հայտնել, որ ամերիկյան նոր կառավարության օրոք երկու երկրների հարաբերությունները կբարելավվեն: Նա նշել է, որ ԱՄՆ-ը սխալ է թույլ տվել նախագահ Դոնալդ Թրամփի օրոք`մերժելով Թուրքիային հինգերորդ սերնդի F-35 ինքնաթիռների մատակարարման հարցում: «Հուսով եմ, որ նախագահ Բայդենը ԱՄՆ նախագահի պաշտոնը ստանձնելուց հետո ավելի դրական քայլեր կձեռնարկի դեպի Թուրքիան, և տարաձայնությունները կլուծվեն»,- ասել է նա:


Ինչ վերաբերում է Թուրքիայի վրա ճնշում գործադրելու փորձերին, Էրդողանի խոսքով` դրանք անընդունելի են, Անկարան մտադիր չէ թույլտվություն խնդրել այլ պետություններից իր գործողությունների համար:


«Մենք ՆԱՏՕ-ի երկիր ենք և թույլ չենք տա Հյուսիսատլանտյան դաշինքի մյուս երկրներին` ուղղորդել մեր ընթացքը: Ոչ մի երկիր իրավունք չունի միջամտելու և որոշելու Թուրքիայի պաշտպանական քաղաքականությունը», - եզրափակել է նա։


Մեկնաբանություններ

Համընկնող լուրեր