Երթուղայինում սպանության մեջ կասկածվողը դիմել է փախուստի. նոր մանրամասներ          Երևանի կողմից դրական նշաններ ստանալու դեպքում, Բաքուն պատրաստ է հնարավոր ամեն բան անել երկկողմ կապերի հաստատման համար       Կա՞ պոեմ անհետ կորածների թվի ու ճակատագրի մասին, գուցե նովե՞լ սառնարաններում պահվող զինվորների մարմնի մասերի մասին    

16 հուն 2021 19:05

Քաղցկեղային ուռուցքներին հաջողվում է թաքնվել քիմիաթերապիայից եւ վերապրել

Քաղցկեղային ուռուցքների բջիջները կարող են անաբիոզի մեջ մտնել քիմիաթերապիայի ազդեցության տակ եւ «արթնանալ», երբ վտանգն անցել է. այդպիսով նրանց հաջողվում է թաքնվել դեղամիջոցներից եւ վերապրել: Այդ մեխանիզմը նկարագրել են կանադացի գիտնականները հոդվածում, որը հրապարակվել է  Cell ամսագրում, հաղորդում է Medportal.ru-ը:

«Ուռուցքը գործում է որպես մեկ ամբողջական օրգանիզմ՝ անցնելով «դանդաղ բաժանման» վիճակի, որպեսզի պահպանի էներգիան, որը նրան օգնում է վերապրել»,-ասել է Կանադայում գտնվող Մարգրեթ Արքայադստեր անվան օնկոլոգիական կենտրոնից Քեթրին Օ՛Բրայանը՝ հետազոտության համահեղինակը:

Նրա գործընկեր, բժիշկ Ահարոն Շիմմերն ուռուցքային բջիջները համեմատել է արջերի հետ. «քիմիայի» ազդեցության ներքո նրանք հայտնվում են վիճակում, որը նման է ձմեռը քուն մտնելուն:

Հետազոտության շրջանակում մասնագետները լաբորատոր պայմաններում ազդել են քիմիաթերապեւտիկ դեղամիջոցներով կոլոռեկտալ քաղցկեղի բջիջների վրա: Դեղամիջոցների ազդեցության տակ ուռուցքները դադարել են աճել եւ սկսել են էներգիա խնայել: Հետաքրքիր է, որ նման ռեակցիա է հայտնաբերվել ուռուցքի բոլոր բջիջների մոտ միաժանամանակ:

Գիտնականները փորձ են անցկացրել մկների վրա: 8-շաբաթյա քիմիաթերապիայի ազդեցության ներքո ուռուցքների աճը գրեթե կանգնել է, սակայն բուժումը դադարեցնելուց հետո այն վերսկսվել է:

Գիտնականների խոսքով՝ քաղցկեղային բջիջների «քուն մտնելու» վիճակի կարեւոր գիծ է այն, որ գոյատեւելու համար նրանք օգտագործում են աուտոֆագիա. անհրաժեշտ նյութեր եւ էներգիա ստանալու համար ուռուցքը «մարսում է» իր բջիջների մի մասը:

Գիտնականների խոսքով՝ եթե աուտոֆագիայի գործընթացի վրա ազդեցության միջոց գտնվի, ապա հետագայում այն կօգնի հաղթահարել բուժումից ուռուցքների այդ պաշտպանությունը:

Մեկնաբանություններ

Համընկնող լուրեր