Արսեն Թորոսյանը կազատվի նախարարի պաշտոնից.ազատման դիմում է գրել նաեւ վարչապետի աշխատակազմի ղեկավար Էդուարդ Աղաջանյանը
ՀՀ նախագահի աշխատակազմը ստացել է վարչապետի առաջարկը՝ առողջապահության նախարար Արսեն Թորոսյանին աշխատանքից ազատելու մասին:Տեղեկությունը ՀԺ-ի հետ զրույցում հայտնեց ՀՀ նախագահի օգնական Հասմիկ Պետրոսյանը:
Մեր տեղեկություններով՝ Թորոսյանն առաջիկայում նշանակվելու է ՀՀ վարչապետի աշխատակազմի ղեկավար:
Նույն այդ տեղեկություններով՝ պաշտոնից ազատման դիմում է գրել նաեւ վարչապետի աշխատակազմի ղեկավար Էդուարդ Աղաջանյանը: Վերջինս մեր զանգերին չպատասխանեց:
ՀՀ վարչապետի մամուլի խոսնակ Մանե Գեւորգյանը մեր զրույցում ասաց՝ «որեւէ կոնկրետ բան այս պահին չկա, երբ որ համապատասխան որոշումներ լինեն, կտեղեկացնեմ»:
.jpg)
