Բնակիչները պարտավոր են անցնել համապատասխան մարտական պատրաստություն, անհրաժեշտ է զինել
Հայաստանի սահմանամերձ շրջանների բնակիչներին անհրաժեշտ է զինել: Այս մասին հունվարի 18-ին Ազգային ժողովի նիստում հայտարարեց պատգամավոր Սերգեյ Բագրատյանը:Նա, մասնավորապես, նշեց, որ առաջիկայում պատրաստվում է ներկայացնել համապատասխան օրինագիծ, որը կնախատեսի սահմանամերձ տարածքների բնակիչներին մարտական զենքի տրամադրման հնարավորություն:
Նրա խոսքով՝ բնակիչները պարտավոր են անցնել համապատասխան մարտական պատրաստություն և ինքնապաշտպանություն կազմակերպելու անհրաժեշտություն առաջանալու դեպքում կկարողանան նվազագույնը գոնե հոգեբանորեն հաղթահարել ներկայումս առաջացող լարված իրավիճակը: «Քանի դեռ մենք սահմանների խնդիր ունենք, քաղաքացիները, հատկապես սահմաններին ապրողները, իրենց անպաշտպան են զգում»,-նշեց Բագրատյանը:
