Մենք ավելի շատ վախենում էինք ադրբեջանցի զինվորներից, քան հայերից. «Համզա»-ի վարձկան ահաբեկիչ
«Համզա» վարձկան–ահաբեկչական խմբավորման սիրիացի վարձկաններից մեկը, որը գտնվում էր Ադրբեջանում, ասել է, որ Թուրքիան ստել է իրենց այն մասին, թե ինչու են նրանք այնտեղ ժամանել. Twitter-ում հայտնում է ամերիկացի լրագրող Լինդսի Սնելը:Վարձկանը պատմել է, որ հայերը ներկայացվում են որպես անհավատներ, որոնցից պետք է պաշտպանել ադրբեջանցիներին: Նրանց ասել են, որ հայերը գրավել են Ղարաբաղը, որ նրանք իսլամի թշնամիներ են, և Ղարաբաղում գտնվող մահմեդականները պետք է պաշտպանվեն:
Նրա խոսքով՝ իրենց հետ մարտերում չկային թուրք զինվորներ, նրանք միայն քաջալերում էին նրանց, իսկ վարձկաններն ավելի շատ վախենում էին ադրբեջանցի զինվորներից, որոնք իրենց շատ վատ էին վերաբերվում, քան հայ զինվորներից:
