Որոնողական աշխատանքների արդյունքում 5 զինծառայողի անճանաչելի աճյուն է հայտնաբերվել
Ֆիզուլի-Մատաղիս-Հադրութ-Ջաբրայիլ ուղղություններով երեկ` հունվարի 23–ին իրականացված որոնողական աշխատանքների արդյունքում Ֆիզուլիում հայտնաբերվել է 5 զինծառայողի աճյուն: Տեղեկությունը հայտնեց Արցախի ԱԻՆ տեղեկատվության և հասարակայնության հետ կապերի բաժնի պետ Հունան Թադևոսյանը:«Հայտնաբերված 5 դիերն էլ անճանաչելի են, պետք է իրականացվի ԴՆԹ փորձաքննություն՝ նրանց ինքնությունը պարզելու համար»,-ասաց Թադևոսյանը:
Նա հայտնեց նաև, որ այսօր որոնողական աշխատանքներ կիրականացվեն Մատաղիս–Ֆիզուլի հատվածում և Քաշաթաղի շրջանում:
Թադևոսյանը հիշեցրեց` որոնողական աշխատանքներին մասնակցում են նաև անհետ կորած զինծառայողների ծնողները։
Ընդհանուր առմամբ, մինչ օրս հայտնաբերվել է 1256 զոհված զինծառայողի և քաղաքացիական անձի մարմին:
