Տեսանյութ.Հատուկ ծառայությունները Ռուսաստանի հարավում ձերբակալել են 19 իսլամիստի, որոնք դիվերսիաներ և ահաբեկչություններ էին ծրագրել Հյուսիսային Կովկասում
Հատուկ ծառայությունները Ռուսաստանի հարավում ձերբակալել են 19 իսլամիստի, որոնք դիվերսիաներ և ահաբեկչություններ էին ծրագրել Հյուսիսային Կովկասում։ Տեղեկությունը հայտնում է ՌԻԱ Նովոստին՝ հղում անելով Անվտանգության դաշնային ծառայությանը։Ձերբակալվածներն ընդգրկված են Ռուսաստանում արգելված «Ալ-Թաքֆիր Վալ-Հիջրա» կազմակերպության կազմում, որի նպատակն է սեփական խալիֆայություն ստեղծելը։
«2021 թվականի փետրվարին Կարաչայ-Չերքեզական Հանրապետությունում, Ղրիմի Հանրապետությունում, Կրասնոդարի երկրամասում և Ռոստովի մարզում ձերբակալվել են 19 արմատականներ, որոնք, գաղափարախոսության քարոզից և նոր կողմնակիցների հավաքագրումից բացի, Հյուսիսային Կովկասի տարածքում հակաահաբեկչական գործողություններ էին ծրագրել»,-ասված է հաղորդագրության մեջ:
Խուզարկության ընթացքում հայտնաբերվել է թաքստոց, որտեղ գնդացիր է եղել, ինքնաձիգ, փամփուշտներ, ինքնաշեն պայթուցիկներ և «մահապարտի գոտի»։
Ձերբակալվածներին մեղադրանքներ են առաջադրվել «ծայրահեղական կազմակերպության գործունեության կազմակերպում և մասնակցություն» հոդվածով:
