Ռուսաստան-Թուրքիա հարաբերություններում ամեն մի շշուկ պետք է ուշադրության արժանանա Հայաստանում          Նշաններ, որոնցով կարելի է կասկածել մոտալուտ թրոմբոզը       Տեսանյութ.Պարենի մատակարարումն առաջնագծում խաթարվել է. եղել են ժամեր, երբ անհնար է եղել սննդի առաքումը    

18 փետ 2021 14:10

Ո՞ր տարիքում է սովորաբար սկսվում միգրենը

Ամենից հաճախ միգրենը սկսվում է վաղ տարիքում՝ 25 տարեկանից: Սակայն կան միգրեններ, որոնք սկսվում են մանուկ հասակում: Այս մասին NEWS.am Medicine-ի հետ զրույցում ասաց նեւրապաթոլոգ Սամսոն Խաչատրյանը:

Միգրենը գլխացավի տեսակներից է, որի ժամանակ պացիենտների մոտ պարբերաբար միջին կամ բարձր ինտենսիվության գլխացավի նոպաներ են տեղի ունենում: Ամենից հաճախ այդ ցավերը, մասնագետի խոսքով, գտնվում են գլխի մի մասում եւ ունեն պուլսացիոն բնույթ:

Եթե «սովորական» գլխացավի դեպքում պացիենտը թեեւ դիսկոմֆորտ է զգում, սակայն կարող է զբաղվել առօրյա գործերով, ապա միգրենի դեպքում նա դժվար է կենտրոնանում սովորական գործերի վրա: Հաճախ պացիենտը կարող է զգալ սրտխառնոց, լույսի, ձայների, հոտերի հանդեպ զգայունություն: Որոշ պացիենտների մոտ նկատվում է այսպես կոչված աուրա՝ սովորաբար տեսողության կարճաժամկետ խախտման տեսքով, որը ազդանշում է մոտեցող գլխացավի նոպան:    

Համարվում է, որ միգրենով տառապում է աշխարհի բնակչության մոտ 15 տոկոսը, ընդ որում, կանանց շրջանում այդ հիվանդությունն ավելի հաճախ է հանդիպում, քան տղամարդկանց շրջանում (19 տոկոս եւ 11 տոկոս, համապատասխանաբար):     

Ինչպես նաեւ համարվում է, որ ամենից հաճախ միգրեն է սկսվում 15-24 տարեկանում, սակայն նոպաների ավելի բարձր հաճախականությունը գրանցվում է 35-45 տարեկանում:

Ինչ վերաբերում է երեխաներին, որոշ տվյալներով, միգրենն արտահայտվում է 7 տարեկանում եւ 7-15 տարեկան երեխաների 3,9 տոկոսի մոտ, ընդ որում, այդ խնդրին բախվում են տղաները մինչեւ սեռական հասունացումը: Իսկ դեռահաս տարիքում միգրենն ավելի տարածված է աղջիկների շրջանում: Տարեցների շրջանում կանայք տառապում են միգրենով երկու անգամ ավելի հաճախ, քան տղամարդիկ:

Հարդաշտանադադարի ժամանակ միգրենի ախտանիշները հաճախ ուժգնանում են, որից հետո դրանց արտահայտվածությունը կարող է նվազել:    

Մեկնաբանություններ

Համընկնող լուրեր