Մայիսի 19-ին, ժամը 12 00 «Հայացք» մամուլի ակումբի հյուրերն են          Եթե Սյունիքին վտանգ սպառնա, ապա Իրանը զորք կուղարկի Հայաստան, պարսիկները ոչ ոքի չեն հարցնի       Եվրոպական խորհրդարանում հայ գերիների հարցի քննարկմանն դեմ Ադրբեջանը լոբբիստական գործունեություն է ծավալում    

26 փետ 2021 13:29

Հայաստանում ձերբակալվել է հայտնի մեդիամենեջեր. Նրա համախոհներն ասում են, որ գործը սարքված է. Strana.ua

Հայաստանում, որտեղ բանակը պահանջում է վարչապետ Նիկոլ Փաշինյանի հրաժարականը, սկանդալ է զարգանում Հայաստանի տեղեկատվության և հասարակայնության հետ կապի կենտրոնի նախկին ղեկավար և Ազգային ժողովի ապարատի նախկին ղեկավար, հայտնի քաղաքագետ և մեդիամենեջեր Արա Սաղաթելյանի ձերբակալության կապակցությամբ, գրում է ուկրաինական Strana.ua-ն:

Նրան մեղադրում են Facebook-ի որոշ կեղծ օգտահաշիվներ ղեկավարելու համար, որից բացասական տեղեկություններ են տարածվել երկրի ղեկավարության մասին: Միևնույն ժամանակ, ինքը՝ Արա Սաղաթելյանը, նրա պաշտպանական կողմը և ընկերները գործը համարում են լիովին սարքված իշխանությունների կողմից:

Այս գործի ու Սաղաթելյանին ձերբակալելու մասին գրում է «Sputnik»-ը:

Փետրվարի 20-ին Հայաստանի ազգային անվտանգության ծառայությունը հայտարարել է Արա Սաղաթելյանի գլխավորած հանցավոր խմբավորման բացահայտման մասին, որն իբր գործել է Facebook սոցիալական ցանցում` հրապարակելով պետության բարձրաստիճան պաշտոնյաների վերաբերյալ «զրպարտիչ հաղորդագրություններ»:

Այս խմբում իբր նա ընդգրկել է իր գործընկեր Կարեն Բեքարյանին, վարորդ Մհեր Ավագյանին, Արամ Սարգսյանին և այլ անձանց: Ըստ ԱԱԾ-ի՝ նրանք Facebook-ում ստեղծել են Gagik Soghomonyan անունով կեղծ օգտահաշիվ:

Արա Սաղաթելյանի համախոհներն ու ընկերները համարում են, որ մեղադրանքը շինծու է՝ քաղաքական դրդապատճառներով, քանի որ նա չի թաքցրել իր ընդդիմադիր հայացքները երկրի ղեկավարության հանդեպ: Փաստաբանների խոսքով՝ նա Gagik Soghomonyan օգտահաշվի հետ կապ չունի և հետաքննությունը չունի ներգրավվածության որևէ ապացույց:

Համախոհները նշում են նաև, որ Սաղաթելյանը տեղեկատվական մեծ աշխատանք է կատարել՝ ելնելով Հայաստանի շահերից:

Փետրվարի 23-ին Հայաստանի ԱԱԾ շենքի մոտ տեղի է ունեցել ցույց՝ հաջակցութուն Սաղաթելյանի: Շենքի մուտքի առջև ցուցադրվել են Սաղաթելյանի ղեկավարած Տեղեկատվության և հասարակայնության հետ կապերի կենտրոնի հրատարակած նյութերը, այդ թվում` Հայաստանի դեմ Ադրբեջանի գործողությունների մասին տարբեր լեզուներով գրքեր և ֆիլմեր:

«Սա երևի Արա Սաղաթելյանի ղեկավարած տեղեկատվության և հասարակայնության հետ կապերի կենտրոնում մեր աշխատանքի 30 տոկոսն է 2009-2018թթ. ժամանակահատվածում: Շատ բան անհնար է ի ցույց դնելլ, շատ բանի մասին մինչև այժմ պետք չէ խոսել՝ հաշվի առնելով պետության շահերը: Եվ այն փաստը, որ նման մարդը, նման պրոֆեսիոնալը և հայրենասերը, ինչպիսին է Արա Սաղաթելյանը, այժմ գտնվում է ճաղերի հետևում, լավագույնս է բնութագրում գործող իշխանությունների և նրանց ղեկավարի հակապետական և հակահայկական էությունը, գործունեությունն ու նպատակները», - գրել է Facebook-ի իր էջում «Голос Армении» թերթի խմբագրի տեղակալ Մարինա Գրիգորյանը:

Նշենք, որ Արա Սաղաթելյանի ձերբակալությունը տեղի է ունեցել հենց Փաշինյանի հրաժարականի մասին զինվորականների պահանջի նախօրեին: «Strana»-ն մեջբերել է ընդդիմության վարչապետի առաջարկը՝ նրան գնդակահարել հրապարակում:

Մենք նաև ուսումնասիրել և փորձել ենք հասկանալ, թե ինչպես կարող է լուծվել Հայաստանում առկա քաղաքական ճգնաժամը:

Մեկնաբանություններ

Համընկնող լուրեր