Դադիվանքը հայերին չի պատկանում . ադրբեջանցի պաշտոնյա
Խուդավենգի վանքը (Դադիվանքի ադրբեջանական կեղծ անվանումը) հայերին չի պատկանում. լրագրողներին ասել է Ադրբեջանի Մտավոր սեփականության գործակալության խորհրդի նախագահ Քամրան Իմանովը:Նա նշել է, թե այդ կապակցությամբ գործակալությունը հատուկ հետազոտություններ է իրականացնում:
«Հին աղբյուրները տեղեկություններ են պարունակում այն տարածքի մասին, որտեղ կառուցվել է վանական համալիրը: Դրանք սուվարների հողեր են, որոնք հնագույն աղբյուրներում կոչվում են «սվորդիկներ»: Արձանագրություններով՝ հին հուշարձաններ ուսումնասիրելիս պարզ է դառնում, թե ում է այն պատկանում: Ամեն տարի մենք միջազգային գիտաժողովներ ենք անցկացնում, համաշխարհային հանրությանը հայտնում ենք, որ սրանք մեր հուշարձաններն են, մենք լուսաբանում ենք այդ խնդիրները»,- նշել է նա:
