Ինչպե՞ս վերացնել այտուցը, որո՞նք են այտուցի վտանգավոր պատճառները          Մոնտաժված ձայնագրության հիման վրա անհնար է սկսել վարույթի հարուցում․ Գագիկ Ջհանգիրյանը կարգապահական պատասխանատվության չի ենթարկվի․ ԲԴԽ       Տեսանյութ.Զավեշտալի է.Հունիսի 3-ի գործով 2 տղամարդ նույն բառերով ցուցմունք են տվել. որոշեցի գտնել սիամական երկվորյակներին    

08 մար 2021 13:06

Թուրքիան ԱՄՆ-ին նախազգուշացրել է գործադրվող ճնշումների հետևանքների մասին

Թուրքիայի կողմից С-400 զենիթահրթիռային համակարգերի օգտագործման կապակցությամբ Թուրքիայի վրա ճնշում գործադրելու ԱՄՆ-ի փորձերը կարող են պատասխան հետևանքների բերել: «Գազետա ռու»-ի փոխանցմամբ, այդ մասին նախազգուշացրել է Թուրքիայի նախագահ Էրդողանի պաշտոնական ներկայացուցիչ Իբրահիմ Քալինը «Bloomberg» գործակալությանը տված հարցազրույցում:

«Եթե մի երկիր գալիս է մեզ մոտ մաքսիմալիստական դիրքորոշմամբ և պահանջում, որ լինի կամ իրենց ասածով, կամ՝ ընդհանրապես ոչ մի կերպ, ապա նման վերաբերմունքը մեզ այլ ուղղությունների է մղում»,- ասել է Քալինը:

Էրդողանի խոսնակը ամերիկացի գործընկերներին կոչ է արել հասկանալ Թուրքիայի ազգային անվտանգության շահերը:

2017թ. սեպտեմբերին С-400 հակաօդային պաշտպանության համակարգը գնելու Անկարայի որոշումը լուրջ տարաձայնություններ առաջացրին Թուրքիայի և Հյուսիսատլանտյան դաշինքի իր գործընկերների միջև: ՆԱՏՕ-ի պաշտոնյաները հայտարարել են, որ Թուրքիան կվտանգի դաշինքի անվտանգությունը, եթե С-400-ը միացնի դաշինքի համակարգերին, քանի որ ռուսական համակարգը կօգտագործի գաղտնի տվյալներով ցանց:

2020-ի փետրվարին ԱՄՆ նորանշանակ պետքարտուղար Էնթոնի Բլինկենը Թուրքիային կոչ է արել ազատվել ռուսական С-400-ներից:

Մեկնաբանություններ


Համընկնող լուրեր