Ներքաղաքական դաշտում տեղի ունեցող գործընթացները համարում ենք պետության ներքին գործ. ՌԴ փոխարտգործնախարար
Մենք հանրապետության ներքաղաքական դաշտում տեղի ունեցող գործընթացները համարում ենք որպես ինքնիշխան պետության ներքին գործ: Այս մասին «Новое время» թերթին տված հարցազրույցում հայտարարել է ՌԴ փոխարտգործնախարար Անդրեյ Ռուդենկոն` մեկնաբանելով Հայաստանում ստեղծված լարված ներքաղաքական իրավիճակն ու կայանալիք արտահերթ խորհրդարանական ընտրությունները:«Իհարկե, մենք չենք կարող անտարբեր մնալ այն ամենի նկատմամբ, ինչ տեղի է ունենում մեր բարեկամ երկրում: Մենք կոչ ենք անում հանրապետության բոլոր քաղաքական ուժերին ցուցաբերել զսպվածություն, որոնել ողջամիտ փոխզիջումներ`ի շահ հայ հասարակության համախմբման: Մենք հույս ենք հայտնում, որ նախընտրական շրջանում ամեն ինչ կանցնի խաղաղ, սահմանադրության շրջանակում և կծառայի որպես ելակետ Հայաստանում երկարաժամկետ կայունության հասնելու համար»,-նշել է ՌԴ փոխարտգործնախարարը:
Ռուդենկոն ընդգծել է, որ երկկողմ հարաբերությունները, որոնք ավանդաբար հիմնված են եղբայրական բարեկամության և փոխվստահության վրա, զարգանում են դինամիկ՝ անկախ արտաքին և ներքին իրավիճակից:
