Հունաստանը խնդրել է Լիբիայի նոր կառավարությանը՝ չեղարկել Թուրքիայի հետ կնքված ծովային համաձայնագիրը
Հունաստանը հարցում է ուղարկել Լիբիայի նոր կառավարությանը՝ ծովային սահմանների գծանշման մասին Թուրքիայի հետ համաձայնագրից հետ կանգնելու խնդրանքով:Թեև Լիբիայի նոր վարչապետ Աբդել Համիդ ալ Դբեյբան Թուրքիային անվանել է իր «դաշնակից» և Թուրքիայի հետ ծովային համաձայնագիրը համարել «շատ կարևոր երկու երկրների համար», Հունաստանի ղեկավարությունը փորձում է բանակցել Լիբիայի հետ, որ չեղյալ հայտարարվի Թուրքիայի հետ պայմանագիրը:
Հիշեցնենք, որ Լիբիայի տարածքում կան թուրքական ռազմաբազաներ, և թուրք հրահանգիչները վերապատրաստում են լիբիական բանակը:
