Մի քանի տարի անց սրտանոթային հիվանդությունների կտրուկ ալիք կլինի
Նովոսիբիրսկի թերապիայի և կանխարգելիչ բժշկության հետազոտական ինստիտուտի գիտնականները (SB RAS- ի ցիտոլոգիայի և գենետիկայի ինստիտուտի մասնաճյուղ) կանխատեսում են, որ մի քանի տարի անց սրտանոթային հիվանդությունների կտրուկ ալիք կլինի: Այս մասին հայտնում է «Գազետա.ռու»-ն՝ հղում տալով ինստիտուտի հաղորդագրությանը։«Շատերը ենթարկվել և ենթարկվում են կենսական ուժասպառության գործոնին՝ երկարատև հարկադիր մեկուսացման պատճառով: Որոշ ժամանակ անց դա անխուսափելիորեն կդրսևորվի նրանց առողջական վիճակի վրա»,- նշել է Գիտահետազոտական ինստիտուտի ավագ գիտաշխատող Դմիտրի Պանովը։
Ըստ ինստիտուտի, Նովոսիբիրսկի գիտնականները Առողջապահության համաշխարհային կազմակերպության «MONICA» ծրագրի շրջանակներում 1980-ականներին սկսել են ուսումնասիրել սրտանոթային հիվանդությունների զարգացման ռիսկի վրա հոգեբանական, սոցիալական գործոնների ազդեցությունը: Ուսումնասիրությունները ցույց են տվել, որ դրանց դերը շատ կարևոր է:
«Կենսական ուժասպառությունը 2.5-ից 3 անգամ մեծացնում է սրտանոթային հիվանդության, ինսուլտի, զարկերակային հիպերտոնիայի զարգացման ռիսկը»,- ասվում է զեկույցում:
