Թուրքիայում որոշել են հիշեցնել, որ Ինջիրլիքի ավիաբազան պատկանում է իրենց
ԱՄՆ նախագահ Ջո Բայդենի կողմից Հայոց ցեղասպանության ճանաչումից հետո Թուրքիայում որոշել են հիշեցնել, որ հարավային Ադանա նահանգում գտնվող Ինջիրլիքի ավիաբազան պատկանում է Թուրքիայի ռազմաօդային ուժերին և Թուրքիայի ռազմական համալիրը է:TRT թուրքական պետական գործակալությունը, վկայակոչելով պաշտպանության նախարարության աղբյուրները, Թուրքիայի կառավարությունը «թույլ է տալիս ԱՄՆ կառավարությանը մասնակցել Ինջիրլիքում գտնվող՝ Թուրքիայի զինված ուժերի օբյեկտներում համատեղ պաշտպանական միջոցառումներին»: Ավելին՝ Ինջիրլիքում որոշակի օբյեկտների օգտագործումն իրականացվել է 1980-ի մարտին Անկարայի և Վաշինգտոնի միջև ստորագրված «Պաշտպանության և տնտեսական համագործակցության մասին» համաձայնագրին համապատասխան:
Հարցեր են առաջանում՝ կապված Ինջիրլիքի ավիաբազայի ապագայի հետ, որտեղ տեղակայված են ԱՄՆ միջուկային մարտագլխիկները: «Ինջիրլիքի բազայի բոլոր օբյեկտները պատկանում են Թուրքիայի Հանրապետությանը»,- նշել են թուրքական ՊՆ-ի աղբյուրները:
Թուրքիայի նախագահ Ռեջեփ Թայիփ Էրդողանը 2019-ի դեկտեմբերին հայտարարել էր, որ Թուրքիան կարող է փակել բազան՝ ի պատասխան ԱՄՆ պատժամիջոցների սպառնալիքների և ԱՄՆ Սենատի կողմից Հայոց ցեղասպանությունը ճանաչող բանաձևի, սակայն այդպես էլ չփակեց:
