Իրենց թվում է, թե «власть меняется», թող հանկարծ որևէ մեկի մտքով չանցնի, թե ժողովուրդն իշխանություն չի ունենալու Հայաստանում
Հայաստանում իշխանությունը չի կարող փոխվել, քանի որ այն 2018-ից պատկանում է ժողովրդին։ ԱԺ–ում իր ելույթի ժամանակ հայտարարեց վարչապետի պաշտոնակատար Նիկոլ Փաշինյանը։«Հայաստանի նախկին ղեկավարները Հայաստանին մեղադրում են պատերազմ բորբոքելու մեջ։ Բանը հասել է այնտեղ, որ ասում են` խաղաղ բնակչությանը մենք հարվածել ենք, որից հետո Ադրբեջանը հակագործողությունների է դիմել։ Այսինքն` Ստեփանակերտը, Մարտակերտը, Վարդենիսը չեն ռմբակոծվել` այդ մարդիկ տեղյակ չեն։ Այս ամենը չեն նկատում, քանի որ իրենց թվում է` «власть меняется»։ Նրանք սխալվում են»,–ասաց Փաշինյանը։
Նա նշեց` ի՞նչ է ստացվում` ժողովուրդն իշխանություն չի՞ ունենալու Հայաստանում. բացառված է, թող հանկարծ որևէ մեկի մտքով չանցնի։ Փաշինյանի խոսքով` պատերազմը գործող իշխանությանը թուլացրել է, սակայն իրենք ուզում են վերգտնել իրենց ուժը։
