Ալիևը հարցականի տակ է դրել Իրանի զորավարժությունները՝ ինչո՞ւ հիմա, ինչո՞ւ մեր սահմանին          Իրանը կտրականապես դեմ է «զանգեզուրյան միջանցքի» բացմանը.այն կամրապնդի Թուրքիայի դիրքերը , սպառնալիք կլինի նաև Ռուսաստանի և Չինաստանի համար       Իրանի ԱԳՆ-ն պատասխանել է Ալիևին՝ չենք հանդուրժի Իսրայելի ռեժիմի ներկայությունը, չնայած ցուցադրական, Իրանի սահմանների մոտ    

05 մայիս 2021 10:56

Էջմիածնում երեկ սպանվածը «Դոն Պիպոյի» թիկնապահներից էր․ դեպքի վայրում հայտնաբերվել է 30-ից ավելի պարկուճ, վթարված Hyundai, որի վրա կան կրակոցի հետքեր

Մայիսի 4-ին կրակոցներ են հնչել Արմավիրի մարզում: Ժամը 22:00-ից 22:10-ի սահմաններում ոստիկանության Վաղարշապատի բաժին ահազանգ է ստացվել, որ Էջմիածին քաղաքի Վազգեն 1-ին փողոցում կրակոցներ են հնչել, տեղեկացնում է shamshyan.com–ը:


Ոստիկանները պարզել են, որ նշված վայրից հրազենային վնասվածքներով «Վաղարշապատ» բժշկական կենտրոն է տեղափոխվել երիտասարդ տղայի դի: Ոստիկաններն ու քննիչները նշված վայրում հայտնաբերել են ինքնաձիգից արձակված 30-ից ավելի կրակված պարկուճներ, իսկ կրակոցի վայրից մոտ 200 մետր հեռավորության վրա հայտնաբերվել է վթարված Hyundai Elantra ավտոմեքենա, որի վրա հայտնաբերվել են կրակոցների հետքեր, իսկ կրակոցների արդյունքում էլ վնասվել է քաղաքացուն պատկանող, իր տան առջև կայանված Ford Transit մակնիշի ավտոմեքենա:


Դեպքի վայրում հավաքված մի քանի քաղաքացիներ, ովքեր հրաժարվել են տեսախցիկի առաջ խոսել, ասել են, որ սպանվածը քրեական հեղինակություն «Դոն Պիպոյի» (Արթուր Ասատրյան) թիկնապահներից էր։


Կայքի տեղեկություններով՝ նա Արմավիրի մարզի Արաքս գյուղի բնակիչ՝ 29-ամյա Ռազմիկ Սողոյանն էր,, իսկ «կրծքավանդակի փափուկ հյուսվածքների սալջարդ» ախտորոշմամբ «Վաղարշապատ» բժշկական կենտրոն է տեղափոխվել Արաքս գյուղի բնակիչ՝ 21-ամյա Վաչագան Գրիգորյանը, ով եղել է սպանված Ռ. Սողոյանի կողմից վարած Hyundai Elantra ավտոմեքենանյի մեջ, երբ անհայտ անձը ինքնաձիգից կրակոցներ է արձակել Hyundai-ի ուղղությամբ, որի ժամանակ էլ Hyundai-ը, հավանաբար, փախուստի դիմելու ընթացքում բախվել է պատին։ 

Մեկնաբանություններ

Համընկնող լուրեր